كل ال قولنا عليهم
أحباب وأهل وصحاب
سابونا وقت الحاجة
وكأننا أغراب
حتى الوشوش تتلاقى
وكأن يوم ما إتلاقى
وآه يا زمن كذاب
يا غدر بعيد وروح
وايا حبايبنا
قصدى ال كانت الروح
بتقول دول أحبابنا
ودورى يا حياة
وشك بعيد روحى
وسيبيلى بس الآه
مع دمعى وجروحى
دول ال يوم قولنا
هم العوض لينا
لو حد يظلمنا
أو ناوى يهجرنا
عارفين أراضينا
هما بعيد عنا
وقربهم جنة
والجنة مش لينا
متحكموش بالظاهر
وعليننا تتجنوا
صخر القمر براه
وبنوره نتهنى
والشمس تحرق آه
وعنها مانستغنى
ليه فى الغضب ملاعين
والقلب إسود طين
وكأننا ما كنا
خلاص يا دنيا خلاص
ده آخرة الاحساس
والطيبة فى قلوبنا
يا قبر إفتح بيبانك
نادى على مريديك
خبينى جوة حيطانك
بس اوعى يغدروا بيك
معدش غيرك سبيل
وطريق مفهش خداع
كل ال كان الى دليل
باع الحبايب باع
وادى الطرق ضلمة
جواك فيه بس شعاع
يا رب يا رحمن
وبرحمتك بناديك
ارحمنى من ده زمان
وخدنى وحدى ليك
بتمنى روحى تروح
للى خلقها أكيد
وتهون يا ربى الروح
ما دام وجودى فيك
الله على الاحساس
مابين ايادى الله
جمال ورحمة يا ناس
أغلى وطن وحياة
ويا ال انتوا قولتوا علينا
احنا أهاليكم
ويا ال إنتوا قولتوا علينا
آخر أمل ليكم
رجاء أخير منا
لتبعدوا إيديكم
ومتلمسوش توبنا
ولا تنظره عنيكم
ولا حتى قولة آه
ووفروها ليكم
إحنا ال يوم الوداع
فيه إبتسام فينا
وفيه رضا بالله
وال انكتب لينا
يا رب كل القلوب
حكمك وجب فينا
واحنا ننفذ يا دوب
وتخطه أيادينا
سلام على الأيام
سلام يا دنيا سلام
ووداع يا ليالينا
بقلمى .أمل التابعى
ليست هناك تعليقات:
إرسال تعليق