قالوا الحب يوم عيده ده يبقى اليوم
قلت ياناس بقى فوقوا وصح النوم
ده عمر الحب ما كان له ميعاد ولايوم
الحب جوه وجدانا لكل الناس
مش مجرد ورد أحمر تهاديه الناس
ولا دبدوب بيتبسم كده وخلاص
الحب اهوه حوالينا في كل مكان
ف إيد تطبطب بحنيه علي الغلبان
في بسمه طفل مستني تحن عليه
في دعوه من أبوك وأنت بتبوس ف إيديه
في دمعه أم م الفرحه
وهي بتلبس بنتها الطرحه
في اخت بتوزع ع الجيران شربات
والناس بتبارك وتهني علي الشهادات
الحب للأبد موجود ف قلوب الناس
ماهواش بين العاشقين وبس خلاص
كلمات /سحر متولي
ليست هناك تعليقات:
إرسال تعليق