$$$$$[ الحقيقة]$$$$$
بقلمي..حسين إبراهيم
الحقيقة
هي فين بس الحقيقة
مش سامعها في كلامك
مش لاقيها في عينيك
مش لامسها حتي في سلامك
أول يوم
كنت لابسة وش الخجولة البرئية
الكسوف من كلمة تسمعيها
أو حاجة خارجة تشوفيها
الكلام كان كله همس
والسلام مافيهش لمس
والخطوة كانت بطئية
تاني يوم
جاية بوش الصراحة
والعيون فتحت
والكلام جرئ بس من غير وقاحة
البسمة بقي ليها صوت
واللمسة صبحت صريحة
النهاردة
كل حاجة فيكي أتغيرت
الكلام بألف معني
والضحكة بقي ليها رنة
والسلام كأنه كلمة
حتي صراحتك صبحت
بذئية
وملابسك إل كانت أول يوم
جسمك بتستر
النهاردة جسمك بقاله منظر
والمستور منه بان
ماتنفعش فيك النصيحة
ليست هناك تعليقات:
إرسال تعليق