##متغربين##
متغربين كلنا
ودى الحقيقه
متغربين واحنا فى ارضنا
وقلوبنا قايده حريقه
متغربين واحنا وسط اهلنا
ونفوسنا ياعينى غريقه
واتغربنا عن قلوب حستنا
وبقينا من غير روح
وعشنا مع قلوب بتقصد تموتنا
والقلب يصرخ مجروح
وبنثبت وجودنا فى دنيتنا
بحجه ان الكل هيروح
الكل اصبح يعانى
عشان القلوب بتنداس
بتضيع منا المعانى
واتغربنا عن الإحساس
غيرى واخد مكانى
وتهت فى وسط الناس
واتغربنا عن الحنان
والقلب ساء مصيره
ونسينا الاحسان
وكله بيجرح غيره
وكله بقى يتهان
والواقع صعب تغييره
ومتغربين عن كل حاجه
احنا ليها مشتاقين
مشاعرنا بقت فى الثلاجه
وبرضوا هنفضل متغربين
هنتخدع ونعيشها سذاجه
عشان من الغربه مش راجعين
#بقلم:شيماء السيد#
ليست هناك تعليقات:
إرسال تعليق