المرأة الريفية الجزء السابع ( للشاعر يوسف الحمله )
( وعن الكرامة أتحدث بلسان المرأة )
الإيد الناعمة ...
تـعرفي غلطة عمري .. يا نعمة
لما أمـــنـت لأبــو إيـــد .. ناعمة
وسبـت أبـو إيـد .. الشـق فيها
بالع تراااااااااب عشر فـداديـن
أنـاكنت شايفة لكن .. بستعمى
وإن كـان الحـب نعمة يا نعمة
بيشد الحيل ... ويـقوي الهمة
بالرجولة يعيش سنين وسنين
الـحـب مش بـالإيـد ... الناعمة
ولا بـلـسـان يـعــرف ... يـقـول
الـحـب باللي يصون ... النعمة
وفـ عرق جبينه كلام معسول
ياما الـفـاس كتبت ... دواوين
فتحت بيوت .. نحتت ميادين
وأنا من صغري ... بضيع عمري
وأجـرى ورا الناس ... التافهين
بس أنا فُقت خلاص يا نعمة
وعـرفـت إن الــواد ... عوضين
لسه غـاويني .. ولسه شاريني
وأنـا شارياه ... بالروح والعيـن
والـحـمـد لله أديني ... فـُقت
قبل الفاس ماتقع .. في الراس
وعمرى يضيع كده فـ الرجلين
خـُديِها مني نصيحة يـا نعمة
سـيـبـك مــن الأيــادي الناعمة
وخليكي في أيـادي الشقيانين
دول نــاس بـتـعـرف ... تـصون
عـنـدهـا ذمـة... وعـنـدها ديـن
دول هـمـا الـنـاااااس ... النعمة
واللي ما يعرفها يا نعمة يعمي
الإيد الناعمة ...
بقلم شاعر الحدث
الشاعر يوسف الحمله
20/9/2017
ليست هناك تعليقات:
إرسال تعليق