دفاية
دفايه فى عز الصيف ف الشتا تكييف
والشعر دا عمره ما كان ع الكيف
وكلامه ساعات تزويقه بالزيف
السطر قانون موزون تصنيف
او محشى كانون دخانه تسويف
اﻵه جواه جامدة بتكليف
والعيش فيه رح يدق رغيف
والفرن بغاز ونشاز تصفيف
والبلدى القش فيه ما لاقيه
بحاول فيه ولا شئ يكفيه
ودموع الفرحة بتبكى عليه
والناى نساى نفخه كما الشاى
على حبة فحم ف ساعة فجر
فلاح طواح ما بيدفع اجر
الشعر دا هجر مكفوف بالعجز
ومعاه عكاز او سيرته نشاز مربوط بالصبر
والسير كان شادد مكنة رى
تروى الفدادين تحصد ف خزين
يكتب فى كلام يحييى الاوهام
الشعر مساحة فى ارض البور
مغروسه حكم وشجر من نور
وساعات الشعر كلام مبدور
يطرح افكار وغصون وزهور
الشعر دا نعمة ما فيهشى غرور
ولا شاعر نص وغيره مشهور
الشعر دا دور
الفرق بس يكون فى النص
ان كان موزون او كان مكسور
#مصطفى_قمر
ليست هناك تعليقات:
إرسال تعليق