طالعين علي باب الله
بقلم الشاعر/اشرف هاشم عبدالصادق
عرقان فيكي يا دنيا
الفاس في يدي اشتكي
راضي بقدري وتعبي
ما اشكي حد البكا
ارجع بقوت يومي
عارف طريق اللقا
الكتير ما يعرف همي
فاكرين الدنيا وردي
ما انا عايش في الشقي
الشمس والعرق عصبي
واشق الارض بتعبي
اشرب الندي بدري
والميه مترويش عطشي
ازرع البذرة
وغيري يجني
أعافر اليوم بطوله
لغروب شمسه
راضي بقدري
ومن يقعد يوم في بيته
ملاقي لقمة عيشه
انام لقرب الفجريه
وروح في الصبح بدري
المقطف والفاس ف يدي
وقلتي بيدي تروي عطشي
ولقمة المش تقوتني
معايه صحبي واخوي
طالعين علي باب الله
ندور علي الرزق والله
اجيب قوت يومي
واجوع لو قعدت يومي
هي كده العيشة بالصبر
وب الصبر تجي
والعفة من مد الايد غنه
رافع قيمتي ف العالي
ما انه عطشان حنان
من هوه يقدر تعبي
ادينه بن كافح وعيشين
وربك هوه الستار وبيدي
بقلمي // الشاعر /اشرف هاشم عبد الصادق
ليست هناك تعليقات:
إرسال تعليق