هكتب عنك يابحر وهقول عليك كلام
ودا أحساسى بيك مش خيال وأوهام
عارفه أنك غدار وقاسى
وقلبك كبير
لكنه حويط
واللى يصدقك يا بحر عبيط
لما بتحضنى بنسى معاك همومى
لكن تيجى موجه تصحينى من نومى
وتقولى خلى بالك دا البحر غدار
ممكن يبلعك جواه وتعيشى ف المرار
لو كنت صحيح حنين
كنت تنجى غريق
قالوا المخدوعين فيك
أنك رقيق حساس
#سميع
تسمع هموم الناس
لكن أنت ف الحقيقه بتعد عليهم الانفاس
يابحر أنا مش كرهاك
لكنى مش مخدوعه فيك
وعارفه صفاتك وفهماك
صحيح ف حضنك ممكن أنسى الهموم
لكن كمان بسببه ممكن أعيش محروم
وأنا مبخفش منك
ولا بقسى كمان عليك
لكن صعبان عليا اللى مخدوعين فيك
#Aml
ليست هناك تعليقات:
إرسال تعليق