قصيده . علمونى ازاى نساه
علمونى ازاى انساه
علمونى انسى روحى
واكسر قلبى من جواه
مش بسهوله تقولو انسى
اقول نسيت
ولا بسهوله تجرحونى
اقول شفيت
ياريتكم قبل ماتجرحونى علمونى
علمونى ازاى انساه
حاولت اسمع كلامكم
وقلت انساه واجرب
لقيت كل حاجه فيا
بتبعد عنى وبتتهرب
النبض جوه قلبى
حالف مايدق تانى
وروحى بعيده عنى
زعلانه ومخصمانى
واديه رافضه تمسح
دموعى من عيونى
ارجوكم علمونى
علمونى ازاى انساه
اه بس لو تعرفو
اد ايه انا قلبى حبه
اه بس لو تفهمو
يعنى ايه كلمه بحبه
ده هو قلبى وهو روحى
وهو مصدر الحياه
علمونى. علمونى ازاى انساه
بقلم / امال مصطفى الشامى
18/7/2018
ليست هناك تعليقات:
إرسال تعليق