...........(إرحلي).........
لوكنت عايزه ترحلي
يالا إرحلي
على قلب غيري
ودوري
يوم ماتلاقيه
طبيعي لازم تغدري
وتحمليه الغدر
ولايوم تزعلي
حتى الخيانه شيفاها
كانت مصدري
يعني انت خونت رغم عنك
لجل إنشغالي في مشغلي
بتشوفي من نفسك ملاك
وانا اللي تايه مغزلي
وكل يوم فيه العراك
ولا مرة كنت بتنصري
انا اللي عايش في الهلاك
محتاجه انت أكون ثري
وان يوم ودورت في رحاك
بسرعة انت بتهجري
بتصدري لحظات أساك
لو قلت أحبك تصخري
ليلي الطويل وحدي في نداك
معايا قومي واسهري
محتاج أنا تطبطب يداك
والحب يجري في أنهري
وتعبت من طلبي في رضاك
بالكلمه ديما تعصري
لوكنت عايزه ترحلي
يا لا' إرحلي
أنا مش هموت في المستحيل
ولا مرة أنت هتصبري
ولا يوم وأرضا أكون بديل
لو يوم تعودي تدوري
ما أنا عيشت وياك عليل
ورفعتي ضغطي وسكري
في عينيك لسه الآن أسير
م الأسرى ديما تقتلي
أنا اللي على قلبك غفير
وأنت لقلبي تكسري
عاشق ولا يمكن أطير
ولغيري أنت تدوري
منك أنا شوفت الكتير
بس في غرامك منزلي
ياحب ليه محتاج حرير
وأنا في الحرير كان مغزلي
محتاجه قلب ملوش مثيل
بعد غرامي ماتوصلي
في الرحلة شوقك لو قليل
بس الندم هتحصلي
........(شعر)...........
عبد الله السايح
ليست هناك تعليقات:
إرسال تعليق