يا سبحان الله !.....
و حسبي الله......
راحت فين الرحمة ؟؟؟
أنا في الزبالة مرمي
كان إيه يا ربي جُرمي !
وأنا لسه حتة لحمة ؟؟؟
جري إيه ليكم يا بشر
صارت قلوبكم حجر !
لو خفتم مقام ربنا
كان ربنا عليكم ستر
أنما قلوبكم
صارت فحمة !
ناس محرومة م الخلفة
تتمني و لو ضفر عيل
تحضنه في صدرها
و بقلبها عليه تميل !
و ناس معدومة م العفة
ترميه و هو في اللفة !
لجل ما يتوه السؤال
ف الزحمة !
عجبي عليك يا زمن
الشرف مات و أندفن
لا حد غسله ولا مرة بصله
ولا حتي تواه في الكفن.....
العرض علينا هان
و الوغد لينا خان
و ريحتهم صارت عفن.......
ولا تجوز عليهم الرحمة ....
ياناس حرام ياخلق حرام
الدم و العرض حرام
هنروح فين من ربنا
يوم الزحام ؟؟؟
ومن خزينا...
يترك العظام لحمُه ......؟؟؟؟
ليست هناك تعليقات:
إرسال تعليق