الفراق
كتبت / منى اسماعيل
جاى تتنهد وتقول خلصنا
والفراق جاى قوام وتعبنا
فعلا كان معاك حق نصيبنا
أننا نفارق ونباعد مسافتنا
فاكرنى هترجى وأعاتب وأتمسك
وبالألم أصرخ
ده كان زمان
أيام ما كنت بحس معاك الأمان
لما كانت بتدفينى الأحضان
وبيكفينى منك نظرة حنان
ده كان زمان
أفترقنا وهتفضل ذكرياتنا تفكرنا بحب كان
حاول تمحيها هى كمان
عشان تقدر تنسانى
وتبدلنى بحب تانى
وبحب جديد ماليه الأوهام
وعمره ما هيكون زى حبنا
إلى كان
ونهاية الكلام
أفترقنا وخلصنا
وفوقنا من الأحلام
أفترقنا
وكأن الحب ما كان
ليست هناك تعليقات:
إرسال تعليق