شخابيط حالم
بقلم .شحات خلف الله كاتب ومحام
انا مين يا ناسيين ......
انا العربي الأمين ....
أبن الأكرمين ليوم الدين ....
شهم وأصيل ورايتى مرفوعه على رؤس العالمين....
انا اللى كنت فى جالوت وحطين ....
لا همنى مغول ولا صليبين .....
صحيح ضعيف والضعف ما كان قرين ....
عيالى الطيبين مضحوك عليهم ومساكين .....
وحالهم لا يرضى عدو ولا حتى خليل ....
بنذبح فى بعض زى الهمج فى الأقدمين .....
بنسرق فى بعض وكلنا خائنين....
بنخون فى بعض وكلنا تائهين .....
بنكره بعض كما لو كنا فوق رؤس بعض مولودين......
بس برضه فينا حاجه حلوة ويكفى ما فيش فينا لحم خنازير ....
قالوا علينا شعوب ناميه عايشه عاله على الراقيين....
بس ناسيين ان الخير فينا ليوم الدين .....
نحن أمه تمرض ولا تموت كلام ناس فاهمين ....
مصيرنا واحد ودمنا واحد حر وأصيل ....
هيروح سين وشين وهيجى الكريم بن الأكرمين ....
مهما طال ليل الكارهين العابثين ...
هيطلع نهار فيه النصر حليف المظاليم ....
الموضه بترجع بينا لوراء سنين .....
والنخوه قلت ماتت فينا من سنين ....
بس برضه هيرجع عهد الرجال الصامدين ....
العيب اللى موجود فى شباب ضائعين ...
هيتصلح ان شاء الله فى رحم بنات متربيين ....
عائشة وفاطمه ومريم هيكونوا قدوة اجيال قادمين ....
ولسه بأحلم وهأحلم بولاد بلادنا الطاهرين ...
اللى على الظلم مش ساكتين ....
والعيب اللى كان لينا قرين.....
هيبقى ماضى بمشيئة الكريم .....
وهترجع جالوت وحطين تقول حمدا لله ع السلامه يا غائبين ....
طال إنتظاركم وجدودكم كانوا واثقين انكم راجعين ...
ورسولكم الكريم قال الخير فيكم ليوم الدين ...
ليست هناك تعليقات:
إرسال تعليق