.....(( مش هنسيبك ))....
مش هنسيبك......
أنا إبنك حبيبك........
أنا أحمد و في إيدي أمجد
ومعانا فاطمة ومينا وأسعد
و ربنا علينا يشهد......
أرواحنا..فدي شمسك ونيلك
مش هنسيبك....
مهما غدروا ..و لبذور الشر بدروا
و لدمانا هدروا ...مش هنسيبك
و هلالنا....هيحضن صليبك...
مش هنسيبك.....
يا ما صُبرنا ......و ياما عَبرنا
وعدينا جراحنا..ولا حد قِدرنا
إنتي قَدرنا ..و إحنا نصيبك....
مش هنسيبك...
مصر يا أمنا..حلمك من حلمنا
وهمك هو همنا..وحبك ساكن قلبنا....
يا أغلي من روحنا ودمنا
و في الدنيا....ما فيه مثيلك......
مش هنسيبك......
بإدينا نطفي لهيبك
ونخسف بالأرض غريمك
وننسيكي اللي راح
و نداوي كل الجراح
و بصرخة عمل وكفاح
ينور شمع قنديلك ......
مش هنسيبك.......
في المسجد في الكنيسة
علي حضنك قلوب حريصة
تصلي يا بلدي و تدعيلك
يطلع نهارك و يعدي ليلك
و إن عليكي إتعاهدوا
أيادي خسيسة..مش هنسيبك ...
د/عمر عبد الجواد عبد العزيز
ليست هناك تعليقات:
إرسال تعليق