كنا أحباب وبقينا أصحاب
يا دوب الحب دق الباب
ويا عيني علي الناس وغيره الحب
والعزال
وفجأة حبيبي قلي سلام
ولسه مافرحتش زي الأحباب
وراح ومارجعشي وقفل الباب
وسابني بحيرتي وراح ولا جاش
وفضلت أناجي طيفه وأكلم الليل
والقمر سهران معاي
والنجوم تصبرني تقلي بكره الحب جاي
وعدي بكره وبعد بكره والسنه الجايه
والعمر فات
ولقيت نفسي وحيده بنفس المكان
والامل بقي ذكري مره وشوقي بقي رماد
والشمس غابت من غير ميعاد
والقمر اختفي والنجوم تداري نفسها خجلانه تتكلم
معاي
وعدي عليا الزمن وبص لي وضحك وقلي
الشعر شاب
والعمر فات
وفات الميعاد
آه من غدر الزمان
وفي لحظه وقفت الساعات
وسمعت دق القمر علي الباب
ومن فرحتي جريت ونطيت من الشباك
ولقيت قمري بيحضني ويقلي الحب عاد
تعالي نغني للعشاق
تعالي نغني للحب والأحباب
تعالي نقلهم الحب عمره ما مات
تعالي عيشي لحظه معاه
تنسيكي كل العمر اللي فات
عمر الحب ما يموت مع الزمن أو كلام الناس
كلامي....
سهيل الاستاذ
ليست هناك تعليقات:
إرسال تعليق