يا ريت ترجع لمتنا .........
لمتنا كانت حلوة...
كانت عتمة الليل تجمعنا
حول الفانوس كانت دراستنا
لاجوال ولانت ولا كهربا تشغلنا
وحب العيلة كان دفا لجمعتنا
وان اسدل الليل خيوطه ما نمنا
فجدران البيت لمتنا ودفتنا
وتحلى السهرة على فانوس ديرتنا
بالحب واللمة نجني ثمرتنا
ومنا دكتور وعالم ومخرج اجيال
وهيك كانت عيشتنا
وحكايات امي وأبوي تسامرنا
وفي عز البرد نيران الحطب دفتنا
وهاذي كانت بساطة عيشتنا
وبالنهار كانت الأرض تندهنا
نزرع الشتلات ونسقيها بعرق تعبنا
ونراقب الخضرات حتى تكبر فرحتنا
ونجني ثمرة خير تسعدنا
لا كان في برجر ولا غيره يشبعنا
غير الأكل من أرضنا وخضرتنا
وأمي تحكي حكايات جيرتنا
وخبز الطابون من بين ايديها
.......................يطعمنا
وكبرنا وصرنا نتمنى ترجع لمتنا
وترجع ايام زمان وفانوس الدار
ودارت الأيام وتفرقنا
وصارت نفس الجدران الي لمتنا
...........تفرقنا
وتكنولوجيا العصر زادت فرقتنا
لا أخوة ولا عيلة ولا جدران ضمتنا
وتفرقت لمتنا بعد ما كان الفانوس يجمعنا
ويا ليت ترجع الأيام وترجع لمتنا ...
بقلمي:-فاطمة الفاهوم
ليست هناك تعليقات:
إرسال تعليق