بيقولوا في مهرجان
***************
بيقولوا في مهرجان
يا أهل الفن فين الفرق
بين دلوقت وبين زمان
مش دول فنانين
وبرضه بتوع مهرجان
الفرق إيه يابشر
الحياء ولا قلة الأدب
يابتوع المهرجان
والأعجب من العجب
يافنانة يافنان
بيسقفولكم علي قلة الادب
و بيقولوا مهرجان
واحنا ياعرب
اتعرينا بدري
ياشماتة أوروبا
والأمريكان
بيقولوا في مهرجان
بيلم زبالة النسوان
والفرجة ببلاش
اتفرج ياسلام
ع الراقصات
واشي رجالة بصجات
وكله ماشي
وكله تمام
قال ايه بيقولوا مهرجان
مهرجان العري والسفالة
ومهرجان كان
ومهرجان الأونطة الزبالة
ومهرجان القطران
قال ايه بيقولوا مهرجان
مش قادر أسكت
ولا قادر أصاحب الشيطان
ولا قادر أكون إمعة
ولا قادر أكون بهلوان
طظ فيك يامهرجان
يا أهل الرقابة والإعلام
يامسئولين عن الفساد
قولولنا اخدتوا كام
للتجهيز والاعداد
الكفن مالوش جيوب
ياسبب الدمار والخراب
قال ايه ببقولوا مهرجان
أه يامهرجان الهلس
ياعرة المهرجانات
الواحدة في بلدها
متسواش فلس
وعندنا تتأمع
وتعمل ست الستات
طظ والف طظ
يامهرجان
اهوه كله عمال بيلظ
في المهرجان
كام ميدالية للعريانة
وكام وسام
والفقيرة التعبانة
بتدور علي لقمة
أو حبة دقة وتنام
الله يخربيت اللي
عمل المهرجان
************
بسيوني صديق
ليست هناك تعليقات:
إرسال تعليق