قصيدة / وعدتنى
بقلم الشاعره /امال مصطفى الشامى
*******************
وعدتنى انك هتيجى ليه خلفت وعدك ليا
ليه مجتش ليه يا حبيبى من رؤياك حرمت عنيا
ليه بتقول مش هتيجى وفى ايديك تكون معايا
يعنى خلاص زهقت منى ولا قالولك تتقل عليا
ده انت كنت بتوعدنى وانا كنت مصدقاك
ولحد ما جه معادك وانا قاعده بستناك
لقيتك بتكلمنى وبتقول مش هتيجى
متقولش انك مشغول قول انى مش وحشاك
قلتلى الكلمتين وقفلت وروحت لحالك
وسيبتلى الحنين فى عيونى المشتقالك
سيبتلى العذاب وسيبتلى الاهات
وسيبت قلبى تايه وروحى محتجالك
لا انت حاسس بألمى ولا حاسس بنارى
ولا حاسس بشوقى ولا حاسس بانتظارى
عمال تبعد وبس ومش فاهم معنى بعدك
مش عارف ان بعدك عنى يعنى انتحارى
ليست هناك تعليقات:
إرسال تعليق