عيني عليك ياولد
ليه علموك الغبا
وانت مخلوق على الفطره
عصفور مهيض الجناح
لا بتكتب ولا بتقرأ
جمعوا شتات المعارف
في صفحه ورا صفحه
وقالولك روح إحفظ
وإن جيت في يوم تسأل
يقلولك روح إحفظ
علموك إزاي تحفظ
من الجلده للجلده
بلونه وملوها هوا بدون ما تدرى
موتوا فيك الفهم والتحليل
والبحث والفكره
وإن جيت في يوم
تفند لهم فكره
يقولوا مش معقول
دا العلم دا مأخوذ
من كابر عن كابر
من زيد وعيط
وعبيد ونطاط الحيط
ودول علما فطاحل
بس روح احفظ
عيني عليك ياولد
لو كانوا سابوك للحياه
كنت بقيت اسطى
وقشطه على قشطه
الدنيا دي مدرسه
والعلم مش في الكتاب
العلم دا في الراس
بس روح إقرا
إقرأ وجوه الناس
واتعلم من الأحداث
عاوزك تكون عبقري
ماتكونشي واد مسخه
......................
اسلام جندي
......................
ليست هناك تعليقات:
إرسال تعليق