كرباج ورا يا اسطى
لسوع ولا يهمك
لكل ندل خسيس
سارق قوتي وقوتك
بالرشوة والتذوير
وقال عملي وزير
عليها حارس وأمين
لابس ومتأمع
وملمع الجزمة
بفلوسي وفلوسك
لاذمة ولا ضمير
كرباج ورا يا اسطي
إضرب ولا تخفشي
لكل فسل رخيص
ناهب قوتي وقوتك
دي إتاوة ودي تقليب
عملي شيخ حاره
ولابسلي نضاره
واللاسه على كتفه
وكمان عبايه كشمير
بفلوسي وفلوسك
وهو لحمه رخيص
عايش كده عواله
بالنهب والتهبيش
كرباج ورا اسطى
بكل قوه وغيظ
لكل أرعن دون
قاعد على مكتب
منفوخ ومتعنطظ
لا دين ولا تقوى
وكرشي يجي مترين
فاتح على يمينه
درجه لمن يدفع
يخلصه في لمحة عين
كرباج ورا يا اسطي
إسلخ ولاد الإيه
عملوها من بدري
وإحنا لا ندري
بالرشوه والبقشيش
صدق اللي قالها زمان
حاميها حراميها
ونجي نطالبهم
لا يرؤفوا بحالنا
ويقولوا بح ما فيش
..........................
اسلام جندي
...........................
ليست هناك تعليقات:
إرسال تعليق