المشهد السابع من اوبريت ( حكاية السلطان)
وامتلات البلدة بالفرحة
حين قامت العاصفة
ووقع السيف من يد السياف
وقامت الثورة
واهل البلدة يرقصون
والاطفال تلعب وتغني
بصوت جميل
المولد وقع صوانه
والسلطان راح زمانه
والفيران استخبت جوه
في مخبأ مالوش لازمه
مولد وصاحبه غايب
تعالوا نروح ياحبايب
نجري ونفرح
ونسلم ع اللي غايب
وا للمة تبقي حلوة
ونركب المرجيحه
ونشوف زقلط وبقلط
وايامنا تبقي جميله
و نشوف الاراجوز ابو زر
ونلعب سلطح وملطح
ونحكي حكاوي جديدة
ونضحك علي شرفنطح
تعالوا معانا ياحبايب
نشوف الحاوي الزعبلاوي
وننسي اللي جري
والسلطان يارب ما تعيده
والوحش يالله نكيده
و معانا مالوش مطرح
معانا مالوش مطرح
بسيوني صديق
ليست هناك تعليقات:
إرسال تعليق