صرخة ألم
~~~~~~~~~~~~~~~~~~~~~
من جوه قلبي جوايا صرخة ألم
بتقول فوقوا دا الأقصى بيكم اتظلم
كلام كلام وعلى الكلام. ....تراب اتردم
وكلام يادوب على الورق.....يساوي العدم
فتياتنا تسبى فى السجون ....وحر اتظلم
على أرضه عايش سجين ذليل حلمه اتهدم
والأقصى يصرخ ليه يا عرب....رفعتوا علم
نجومه جوايا بتحرق حلم اترسم
وعلى الوشوش راسمين وحوش بتحلف قسم
باعوا التاريخ باعوا المبادئ والقيم
وجوانا نار خلفت دمار يتم وعدم
والعدو فينا فرحان بيرقص يبتسم
دخل المساجد ولبيوتنا وعرضنا اقتحم
إمتى يكون إنت أنا وفيك ألتحم
إمتى نكون كده يد واحدة ما نختصم
ساعتها هنقول للجميع آدي العرب
صف واحد قلب واحد يغلب عجم.
~~~~~~~~~~~~~~~~~~~~~~~
كلماتي /هدى دراز
20/1/2018
ليست هناك تعليقات:
إرسال تعليق