(((راجل بدفيره)))
يامطول شعرك ومدفره
بتغيظ الأصلع وبتحسره
صارف عليه ومكلفه
ومخططه ومسطره
وكل يوم بتبخره وتعطره
خشن ناعم عجبك منظره
شجرة جميز وفاكرها ميزه
مشروع عمرك وبتستثمره
قصات غريبه عجيبه بتحقره
تقاليع وموضه وشباب عربى تعجبه
ومش عارف ليه تعرف تشرحه وتفسره
لما تشوفه وتملى عنيك منه أكيد هتستحمره
هيقول لك شعرى هوأنت ليه عليا مستكتره
علشان ماعندكش زيه تدلعه وتكبره
خليك فى حالك وكل واحد راضى وعجبه منظره
زمن عجيب وشباب فقد التوجيه والتهذيب
وكل واحد يعمل مايشاء ويريد
ولاقى الأعجاب بيه والترحيب بالغلط ميزه
ناقص يخرم ودانه ويلبس حلق يليق عليه
أويرسم رسمه فى راسه تناسب جناب البيه
أقول أيه غير .......
فى زمان أتشقلب حاله مش عارفين راسه من رجليه
فهل من مجيب؟ وعجبى !!!!
كلمات/محمودصلاح السيد1/4/2017
ليست هناك تعليقات:
إرسال تعليق