(((شايفك طشاش)))
قاعد فى الضلمه وشايفك طشاش
بنادى عليك وضربها طناش
ماتقولش حبيبى وماتعيدهاش
أنا جات ببلاش ورحت بلاش
قلبى أتصدم محتاج أنعاش
وبالح عليك وغلبنى نقاش
مش طالب شفقه ولا أنا هباش
ولاخاين عشره ولا قلاش
كان كل كلامى معاك شفاف
واضح مفهوم مافهوش أسفاف
قليل الزن ومش وشاش
ولا يوم عنك أبعد وأنحاش
ياخساره سلمت ودانك للناس
وبقيت خباص تحب الهلاس
وأنا مش منهم أنا حساس
وفى قلبى شايل لك كل الأخلاص
بين الناس بدارى عيوبك
وعامل لك خدى مداس
أرفع راسك والقف أنفاس
وبادلنى شعورك بهمه وحماس
أعملك حاوايه وأشيلك على الرآس
كلمات/محمودصلاح السيد30/3/2017
ليست هناك تعليقات:
إرسال تعليق