راية الفراك (((بالشعبي العراقي)))
مو كل الي يحبك
يضحك وياك
ولا كل الي يقدرك
يبوس ايدك
العسل شكد حلو طعمه
من ينضاكَ
وتنلسع
لوجربت بالخلية تمد ايدك
الي اكَوله
مثل عشرتي وياك
بسرعة أتمل مني
وأني أريدك
اليحبك أبد
ما ينسى هواك
الكَلب أنتَ
وأني وريدك
حبيتك وارفعت عليَّ
راية ألفراكَ
تره والله الي رحتله
ما يفيدك
وهم ترد ألي خسران
و تظن البشر كلهم عبيدك
كم مرة اهجرت
وأكل للكَلب ينساك
يعاندني ويكَلي
لاتضيع هالمره وحيدك
سامح واغفر لمن اذاااك
وصير انت الام والابو
و كل الاعمام
چنه وليدك
حسان ألأمين
ليست هناك تعليقات:
إرسال تعليق