ما عاد عندي صبر عا فرقتك ما عاد
عودي بجاه النبي المصطفى عودي
عودي بكفي هجر لا تشمتي الحساد
فيي وفيكي انا كرمالك وجودي
كل يوم شوقي الك يا روح عم يزداد
انتي الامل والمنى للعمر ووجودي
بشرع المحبه حرام نظل نحنا بعاد
وحياة رب السما الرحمن معبودي
انتي لروحي الهوا والمي انتي الزاد
صارت حياتي بدونك جد منكوده
خلي بقلبك حنان وعاطفه ووداد
حني بوصلك انا محافظ على عهودي
خلي ليالي الهوى تطرز ثياب جداد
وضوي شموع الامل تا يطيب انشودي
واعزف ع عود الوفا اجمل لحان جواد
وبستان حبي يفوح عطور وورودي
يا نور عيني انا لاجلك على استعداد
عالجمر امشي حفا والروح مكبوده
مالي سواكي حدا وبحكي على الاشهاد
انتي القلب والعقل والروح معدوده
موال حبي الك والشعر والانشاد
وقلبي لغيرك بوابه دوم مسدوده
مش حق وانتي بعيده تشعري باسعاد
وبهم عايش انا واعصاب مشدوده
==== محمود شبيب ====
ليست هناك تعليقات:
إرسال تعليق