يابلدي..يابلديييييي
لولاكي
لولا هواكي
ماكان
القلب دام
دا انتي الأمل
وانتي الكيان
ياأرض ياطاهرة
ياإللي طينك عاشقوه
أجيال واجيال
ووشموكي علي قلوبهم صبيه بخلخال
ونيلك يضربو له سلام
وهرمك للغرب رمز للأحلام
ولسه سماكي منوره بالقمر والهلال
والإنسان فيكي إنسان
بس نقصه شوية علام
غضبك خلي عينه ماتنام
ولسه بيرسملك الأيام
جنينه وورده وشوية كلام
وضحكه صافيه زي زمان
رغم الأحزان
وكاس المحبه لسه مليان
بين الاخوة من اي الأديان
بس إصفي إنتي
وخلي الضحكه تبان
عاليه
بقلب فرحان
اسف حبيبتي
من غير علام
بقلم..سيده الغنام
ليست هناك تعليقات:
إرسال تعليق