انتى مين ؟
انا حد عمره ما كان سعيد
ليه مش سعيده ؟
الاحزان مكتفانى
والافراح عليا بعيده
عايشه فين؟
عايشه بين اربع حيطان
شارده ووحيده
حكايتك ايه ومنين لفين ؟
حكايتى دى حكايه طويله
مستحيل تتقال فى يوم ولا فى يومين
مستحيل احكيها حتى لو فى شهر
دى حكايتى مأساة سنين
اختصارها انى حكمت على نفسى بالاعدام
وكان الحكم عليا قاسى
وانى اخترت طريق مسدود مفروش اوهام
وصممت اكمل فيه واعيش فى مأاسى
طلعت من تحت جناح بابا وماما
وصممت اطلع للدنيا بالاجبار
بصيت ورايا وقلتلهم مع السلامه
ومكنتش اعرف انى راحه برجلى للنار
ومع اول ايد قابلتنى مسكت فيها
وقلت اكيد هو ده فتى الاحلام
كنت اسعد بنت لكن مكنتش اعرف
ان ممكن فرحتى تكسرها الايام
خطوبه وفرح وحصان ابيض وعشت الحلم
واول ما خدنى الحصان اتفك اللجام
بقلم /امال مصطفى الشامى
ليست هناك تعليقات:
إرسال تعليق