قصيده ( ايوه نهيت )
بقلم الشاعره/ امال مصطفى الشامى
**********************
ايوه نهيت ومن وسط الاحزان عديت
غمضت عنيه على دموعى
ودوست على قلبى وخطيت
قررت اكمل مشوارى
هعيش حياتى
واقتل مشاعرى وافكارى
بس مش معنى انى هكمل واعيش حياتى
ابقى نسيت
اصلى لما جيت احب
بكل مشاعرى حبيت
اه اتعذبت واه بكيت
انا منكرش انى اتعلمت
خدت الدرس واتربيت
بس بردة ده مينمنعش لو حنيت
فيها ايه لما احن ؟
مهو بردو ساعات الفراق
بيخلى الحبيب مشتاق
بس مش معنى انى اشتاق
يبقى اندم واقول ياريت
انا بردو منساش انه انانى
وكان بيجرح كل جرح
اصعب من الاولانى
فمستحيل احبه تانى
بس ده مش معناه انى كرهاه
ايوه بحبه وهفضل احبه
ومش هنساه
اصل الكره مش من طبع العاشقين
ومينفعش يكون فيه كره
بين اتنين كانو مخطوبين
اتنين لو كانو كملو
كان زمانهم متجوزين
اصل الكره مستحيل
يسكن قلوب المجروحين
حتى لو كانت جراحهم
فى قلبهم زى السكاكين
مش من طبع العاشقين يكرهو
حتى لو كان الحبيب جارح
مهو اللى يحب بجد من قلبه
اكيد بيسامح
بس مش معنى انى اسامح
يبقى انسى انه باعنى
ومش معنى انى اسامح
ان جرحو مش واجعنى
ايوه جرحه لسه بيجوع
من يوم ما ساب البيت
وعشان كده قررت اسيبه
وفوقت من الوهم وصحيت
بس مش معنى سيبته ابقى نهيت
ليست هناك تعليقات:
إرسال تعليق