قصيدة/ على عينى
بقلم الشاعره / امال مصطفى الشامى
*************************
( على عينى )
على عينى فراقك يا حبيبى يا اغلى الناس
ده بعادك عنى يا نور عينى اصعب احساس
صدقنى الحكم ده ما بأيدى وماليش فيه ذنب
صدقنى فراقك على عينى وبعدك على الراس
ان كنت فى مره بتشتاقلى انا بشتاقلك مليون مره
وان كنت بتبكى عليا بحزن انا ببكى عليك بدموع مره
لو كانت النار اللى فى قلبك قادر تبرد صهدها
انا نارى عماله بتحرق فى قلبى من جوه وبره
ان كان نفسك تسمع صوتى انا نفسى اشوفك بعنيه
ده الحب اللى قلبى عشانك اضعاف اضعاف حبك ليا
بفتكرك واسرح فى ملامحك وبيك البال ديما مشغول
بشتاق لعنيك وبفكر فيك اكتر ما بتفكر فيا
ملحوظه / جميع حقوق النشر محفوظه
رووووووووووووووعه
ردحذف