........عمو خالد..............
اسمع مني يابن الايه
عمو خالد عاوز ايه
لما بيبكي أو يتباكى
حزر فزر يقصد ايه
يمكن عاوز شير للصفحة
أو لايكات تعمل أبونيه
أوعى تقول دا فعل صحابة
أحسن أقول عليك اخيه
كل القصة دا واد مأجور
الماسونية اتراهنوا عليه
بختم عمالة بات ممهور
ليونز روتاري من نواديه
بوق اعلام صبح مشهور
الأموال حنت رجليه
راح يتقرب م المحظور
لما النشئ يتوه في واديه
يعمل ضجة لسبك الدور
يبقى العالي يموج في واطيه
صوردنيا قصور للحور
الحق خد لك منها بوريه
أما عذاب الأخرة دي زور
ابليس عابد ليه نعاديه
عامل انه واقد نور
لكن قصده ظلام التيه
يفتح ثقب يهد السور
والمتعامي يبوس في ايديه
لما عالمنا بيه مغرور
أمال جاهل يعمل ايه
نبينا القدوة وبدر بدور
بعد العصمة من نواحيه
خلى نبينا انسان فاشل
ادعوا معايا النار تكويه
بدو يصور ان نبينا
راجل بركة ندور حواليه
ماهو سياسي ناشئ دولة
مجلسه بدوي يدوب في كافيه
على منواله البنا جمال
ثوب العهر يامين يداريه
قال قدوتنا تاتورك كمال
لفض خلافة من حواليه
نيجي يمين يروح لشمال
قال الدين قرأنا بانيه
نكر السنة وقال دي خيال
على ألحانه يغني سفيه
حجب المرأة تبع الحال
في المدنية عرف لاغيه
فكر صحاري مصيره زوال
لازم نتبع فكر مونيه
الحرية دي فك عقال
داء الشرق الغرب داويه
الاباحية حلال في حلال
صنع الخالق ليه نداريه
نهر المثلي ماؤه زلال
أوعلك مرة في يوم تشاكيه
كل الشرع يريد احلال
بحداثة قديمنا اذاي نساويه
على أمواجه الست نوال
سكت الشرع يامين يحابيه
قالوا العفة مش اسدال
ممكن عفة في الكباريه
على أنغامهم مية موال
مات الحق يامين ينعيه
راح نتعلم م الكيال
آدم وحدة الذنب جانيه
خطية حوا زوجته محال
جور المولى كلامه حاويه
أما القبر عذابه محال
من مرقدنا ثبات يعنيه
قلل نسبة من المكيال
بين عامنا للي جابيه
اسمع مني كلام مايشيني
البنجور خاصم سواريه
من شبهاته السيد قمني
رب الجنة الجنس راعيه
من ترهاته نكر الجني
ومخفي الجن العلم باديه
كان ياماكان قبل زمان
جت رقاصة فشر سيبويه
من أوكرانيا خليك فاكر
قريبة ( الا ) بنت الايه
سامع واحد عم يسألني
هو الرقص تعبنا في ايه
آه لو تعرف اللي انا عارفه
كنت تقول علطول أحيه
هز الوسط يوقع ساسة
الصهيوني اتحكم بيه
لاما يطاطي لاما فضيحة
تسحب كل بساط م البيه
لو ع الصنعة حدانا عوالم
منها الهزة بألف جنيه
ميزو اتكلم أنا مهديكم
جانا المهدي يامين يواليه
مصطفى راشد خير يبغيكم
أوساخ خمره جاي يسقيه
احمد عبده حط عليكم
في الجبلاية قرود تحاجيه
صاحب شنطة ليها حكاية
فكر نوراني جاي يحاكيه
اسمع مني كلام مايديني
وجه المولى جهادنا شاريه
راح نتقدم ولا نتندم
شرع الهنا لو نعليه
لينا الغلبة من غير جلبة
كل العالم راح نسبيه
محمود عبد الخالق عطيه المحامي
ليست هناك تعليقات:
إرسال تعليق