شعر (بكتب جواب لحبيبى )
بكتب جواب لحبيبى على ضى القمر
بوصف فيه اشواقى وحنينى فى عز السهر
وانا بكتب حسيت بطيفه بيعدى ويرمى والسلام
وانا بكتب سمعت صوته بيردد ورايا الكلام
كنت حسه انه معايا رغم ان بينى وبينه سكة سفر
وانا بكتب حسيت بأيده بتمسك معايا القلم
حسيت بصوته وتنهيده نطقت بأسمه سمعت صوت بيقول نعم
وقع القلم من ايديا والورق كله اتنطر
وانا بكتب لقيت خياله بيعدى من ورا الباب
وانا بكتب لمحت صورته ظهرتلى وسط الجواب
يمكن تكون تهيؤات بشوف حاجات مالهاش اثر
بقلم /امال مصطفى الشامى
بقلم /امال مصطفى الشامى
ليست هناك تعليقات:
إرسال تعليق