بحـر الغـــرام ...
...
خايف على قلبــك مــوج الغـــرام يعــلا
وإنت كده في بحـره عايمـه بلا مجداف
بحـر الغــرام قاسي أمواجـه مش لعبــه
لو فارده له شراعك قلبي عليكي يخاف
غيـرك كتيــر قالـــوا إن الهـــوى نعمــــه
قلبي صبــح يبـكي لمــا بكـــاهم شـــاف
أصل الهوى يجــرح وجراحه دي طعمـه
ولا مـره بيداوي قلب اللي حـب وطـاف
.......
مـــوج الغـــرام هايـج وميتـــه سكــــــر
وشــربنا مـن موجــه المســـك والعنبـــر
توهنــا فى ضفافـــه وسهـــرنا بنفكـــــر
وكل ما نشـــرب نعطـــش لـه وبنسكـــر
وإن خــدنا بجناحــه بنحــب وبنسهــــر
وقلوبنــا لــو داقــوا ع البعــد ماتقــــدر
لو غـاب في يوم عنا نشتاق ونستنظــر
وإن حتى يوم جانا ع الماضي نتحســر
......
بحــر الغــرام عارفه أصــلاً أنا قبطـــان
وكنت فاكــــرني إنـي مـن الشجعـــــان
عاندت في رياحه مـره وكـان هيجــان
وصارعت أمواجـه وحـدي بلا شطـــآن
غافلنـي بسكـــونه جانـي وأنا نعســان
وشربت من كاسـه كتيــر وأنـا هيمــان
ونزلتـه أتهنـى أشــرب وانـا عطشـــان
صبحت في الجنه مغرم شهيد غرقـان
...
بقلمي. د. حسام عبدالفتاح الدجدج 5/4/2018
...
ليست هناك تعليقات:
إرسال تعليق