قصيده / قلب مين ؟
بقلم / الشاعره امال مصطفى الشامى
*********************
قلب مين ؟
وسط زحمه وناس بتصرخ
وناس بيجرو مولعين
والدم مغرق المحطه
والضحايا مرمين
لقيت وسطهم قلب مرمى
ناديت بصوتى ده قلب مين ؟
ده لسه فيه الروح وبينبض
حد يعرف صاحبه فين؟
قلب فارق جسم صاحبه
حد يعرف ده شرع مين ؟
قلب صاحى غرقان فى دمه
وفى نبضه سامع صوت انين
الف رحمه ونور عليك
يا صاحب القلب الحنين
دمك على الرصيف بيبكى
وقلبك على فرقك حزين
ليست هناك تعليقات:
إرسال تعليق