فينك يا حبيبي؟
فينك يا حبيبي؟
يا واحشني من زمان
هواك قدري و نصيبي
و معاك بحس بأمان
أنت ليه عن قلبي غايب
و أنت عندي أغلي الحبايب
مهما غبت في قلبي سايب
ذكرياتك في كل مكان
أنت فين يا نور عيوني
دا السهر دوب جفوني
روحت و سايبني لظنوني
وقلبي مشتاق لك كمان
كل يوم أنده لطيفك
عيني مشتاقة تشوفك
و في قلبي مرسومة حروفك
يا حبيبي من زمان
نفسي الزمن يجمعنا تاني
و التقيك بين أحضاني
أنت يا فرحة زماني
ياللي في هواك العمر هان
لو زعلان مني صارحني
أصل أنت ببعادك جارحني
نفسي يوم تيجي تفرحني
و تنسي كل جرح ما بينا كان
أنت يا قمر الليالي
لو في يوم ترأف لحالي
كنت أعيش أجمل ليالي
و أفرح معاك طول الزمان
فينك يا حبيبي؟
بقلمي/عبيد رياض محمد
22/5/2018
ليست هناك تعليقات:
إرسال تعليق