الحلقه (٤٥) من قصة مأساة امراه
بقلم الشاعره / امال مصطفى الشامى
***********************
تفاجئ شرف من رد فعل امل حينما لفظ لسانها كلمتها الصائبه (مبحبكش)وتقول البطله: نظر لى فى دهشه فرفعت راسى اليه والدموع واقفه فى عينى وقلت : ايوه مبحبكش لانك مبتحبنيش يبقى احبك ليه .رد شرف وقال ليه بتقولى مبحبكيش طبعا بحبك اومال هتجوزك ليه لو مبحبكيش ؟ قلتله : انت معندكش دليل على حبك ليا . قالى : تانى هتقولى ان الرومانسيه هى الدليل وانى طلاما مش رومانسى يبقى مبحبكيش . قلتله الرومانسيه اساس الحب يعنى انا مثلا الاشعار اللى بكتبهالك دى تعبير عن حبى ليك . قالى : طب واللى مبيعرفش يكتب اشعار ؟ قلتله: يقول كلام من قلبه وهيبقى احسن من الف شعر . قالى : بصى يا امل كل واحد بيعبر عن حبه بطريقته يعنى انا بعبر عن حبى بالافعال انى شاريكى وعايز اتجوزك وبستحمل المشاكل اللى بتحصل عشانك لكن مبعرفش اقول كلام حلو ولا اشعار لكن انتى بتعبرى عن حبك ليا بالاشعار ثم قطع حديثه وقال بمناسبه الاشعار بقا الشعر بتاع عيد الميلاد اللى انتى كتباهولى انا لسه شايفه امبارح . قلتله : انت مشفتوش من يوميها ؟ قالى : لا انا يوم ما اخدت منك الهديه روحت نمت عشان شغلى وتانى يوم طلعت القميص اقيسو وسيبت الشعر فى الشنطه مختش بالى منه غير امبارح .قلتله : ازاى ؟ قالى : لقيت والدتى بتقولى فى ورقه فى الشنطه بتاعت الهديه ولما فتحتها لقيت الشعر . قلتله : وايه رايك فى الشعر ؟ قالى : حلو اوى وعجب والدتى لما سمعتهولها وفضلت تقولى خساره فيك عشان مخدتش بالى منه وهو فى الشنطه بقالو يومين . ضحكت وقلتله : تستاهل . قالى : دى والدتى جايه عليا اوى عشانك وفضلت تقولى شوف امل بعتالك ايه وانت مهنش عليك تبعتلها جواب او اى ورقه فيها كلمتين حلوين قلتله: شوفت ممتك حسه بيا ازاى وضحكت .فوجدت شرف يقطع حديثى ويقول : انا عارف انى مقصر معاكى بس غصب عنى وعشان تتبسطى ياستى انا جايبلك كتابين شعر وشايلهم عندى فى البيت وكنت عاملهملك مفاجئه وكنت مستنى لما اجيلك البيت عشان افاجئك بيه وفى اقرب وقت اجيلك فيه هجبهملك معايا. بصتلو وابتسمت و ساعتها عرفت انه فعلا مش بيعرف يقول كلام حلو وانه اشترى كتابين الشعر عشان يراضينى . على اد مكنت حسه انى صعبانه عليه لانه حارمنى من الكلام الحلو اللى نفسى اسمعه منه . على اد ماكان هو كمان صعبان عليا عشان مش عارف يقوله . انتهى اليوم بابتسامه جعلتنى اتناسى تماما كل ما حدث فى بدايت اليوم. حيث حان موعد رحيلنا كنت ذاهبه وانا اشعر اننا تركنا بصمه فى هذا المكان. كما تركنا بصمه فى القلعه كما تركنا بصمه على النيل . كما وضعنا بصمه فى كل شارع مشينا فيه وخطونا سويا وكأن كل مكان وضعنا فيه قدمينا تركنا فيه بصمه جميله تحمل اجمل لحظات حياتى . ونحن فى طريقنا الى باب الخروج لقيت شرف بيقولى : الفرح بتعنا قرب ابتسمت وقلتله : اه قرب لسه كنت امبارح ببص فى ورقه الايام اللى بعد فيها الايام اللى فاضله على الفرح . قالى : ايه رايك بلاش نعمل فرح وبفلوس الفرح نطلع رحلة شهر عسل فى مكان حلو . قلتله : طيب لو عملنا فرح مش هنعمل شهر عسل ؟ قالى : مش عارف ممكن اه وممكن لا .لكن عشان نبقى ضمنين رحلة شهر العسل يبقى نوفر فلوس الفرح . قلتله : بس الرحله ممكن تتعوض انما الفرح مش هيتعوض. قالى : اه فعلا عندك حق . كنت سعيده جدا من تلك اللحظات التى نتحدث فيها عن الفرح وشهر العسل وبرسم معاه حياتى الجديده وبتخيل لما اخد البغبغانات معايا عش الزوجيه . وبعد خروجنا الى الشارع تذكرت والدتى حين قالت : هو انتى فاكره انه جايب البغبغانات دول عشانك انتى ياهبله ده جايبهم عشان فى الاخر تروح بيته. بدأ يظهر الحزن على ملامحى حين تذكرت كلام امى مما جعل شرف يلاحظ ويسالنى مالك ؟ قلتله : مافيش افتكرت حاجه كده . قالى : افتكرتى ايه قولى مالك ؟ قلتله : افتكرت يوم ماكنت بجبلك القميص بتاع عيد ميلادك كنت ساعتها بقولهم لازم اجيبله اغلى هديه زى ماجبلى البغبغانات ساعتها ماما قالتلى هو انتى فاكره انه جايب البغبغانات عشانك انتى يا هبله ده جايبهم عشان فى الاخر تروح شقته .قالى: انا مش عارف ليه بيعملو كده وايه اللى فى دماغهم. قلتله : ولا انا عارفه. دول كانو عايزين هديتى تكون لشقتك بس انا مرضتش وجبت هديه ليك لشخصك. قالى : عشان يكرهوكى فيا ويفهموكى انى جايب البغبغانات لشقتى . قلتله : مهما قالو عمرى ما هكرهك. قالى : بس انا هموت واعرف ايه اللى فى دماغهم . وبعد لحظات من الصمت لقيت شرف بيقولى : هما والدتك ووالدك مش هينجزو بقا فى الجهاز . ضحكت وقلتله : انت مستعجل ؟ قالى :ايوه طبعا مستعجل ناقص شهرين وعايزين نخلص . قلتله : هانت . قالى : المفروض انتى ووالدتك تنزلو الايام الجايه وتشوفو ايه اللى ناقص فى الجهاز وتخلصو . قلتله : ماحنا بننزل بس كل فتره عشان والدتي رجلها وجعاها .قالى :الف سلامه عليها طيب منزلتوش ليه طول الشهر اللى فات قلتله : مانت شايف المشاكل اللى بتحصل بين والدتى ووالدى بسبب شراء الجهاز .قالى : انا حاسس انهم بيعملو كده عشان يأجلو الفرح . قلتله : يعنى بيتعمدو يتخانقو ؟ قالى : اكيد طيب مسالتيش نفسك اشمعنى مكانوش بيتخانقو فى اول الخطوبه لكن لما الجواز قرب بقو يتخانقو كل يوم عشان يعرفونا ان ممعهمش فلوس للجهاز .قلتله معقوله ؟ قالى : ده مش بعيد يكونو متفقين يتخانقو قدامك بس عشان متطلبيش منهم تكملى جهازك .قلتله : بجد ؟ قالى : مش بعيد كمان يكون الكلام اللى بيقولهولك عليا ده عشان يقوموكى عليا ويحصل مشاكل بينى وبينك ويقولولك ناجل الفرح عشان تعرفو بعض اكتر . قلتله :طيب هما هيستفادو ايه من التأجيل ؟ قالى :مش عارف بس انا بكره هكلم ابوكى ونحدد حجز النادى . قلتله : بجد يا شرف ؟ قالى : ايوه عشان يلحقو يظبطو امورهم . كنت مبسوطه اوى وطايره من الفرحه وانا بسمع منه الخبر ده .معقوله شرف هيكلم بابا بكره واخيرا حلم حياتى هيتحقق .كانت تمر كلماته على مسامعى وانا ابتسم واتخيل امامى ذلك اليوم وكأننى المس المستقبل بيدى
الى اللقاء فى الحلقه الحلقه القادمه
ملحوظه /جميع حقوق النشر محفوظه
بقلم الشاعره / امال مصطفى الشامى
***********************
تفاجئ شرف من رد فعل امل حينما لفظ لسانها كلمتها الصائبه (مبحبكش)وتقول البطله: نظر لى فى دهشه فرفعت راسى اليه والدموع واقفه فى عينى وقلت : ايوه مبحبكش لانك مبتحبنيش يبقى احبك ليه .رد شرف وقال ليه بتقولى مبحبكيش طبعا بحبك اومال هتجوزك ليه لو مبحبكيش ؟ قلتله : انت معندكش دليل على حبك ليا . قالى : تانى هتقولى ان الرومانسيه هى الدليل وانى طلاما مش رومانسى يبقى مبحبكيش . قلتله الرومانسيه اساس الحب يعنى انا مثلا الاشعار اللى بكتبهالك دى تعبير عن حبى ليك . قالى : طب واللى مبيعرفش يكتب اشعار ؟ قلتله: يقول كلام من قلبه وهيبقى احسن من الف شعر . قالى : بصى يا امل كل واحد بيعبر عن حبه بطريقته يعنى انا بعبر عن حبى بالافعال انى شاريكى وعايز اتجوزك وبستحمل المشاكل اللى بتحصل عشانك لكن مبعرفش اقول كلام حلو ولا اشعار لكن انتى بتعبرى عن حبك ليا بالاشعار ثم قطع حديثه وقال بمناسبه الاشعار بقا الشعر بتاع عيد الميلاد اللى انتى كتباهولى انا لسه شايفه امبارح . قلتله : انت مشفتوش من يوميها ؟ قالى : لا انا يوم ما اخدت منك الهديه روحت نمت عشان شغلى وتانى يوم طلعت القميص اقيسو وسيبت الشعر فى الشنطه مختش بالى منه غير امبارح .قلتله : ازاى ؟ قالى : لقيت والدتى بتقولى فى ورقه فى الشنطه بتاعت الهديه ولما فتحتها لقيت الشعر . قلتله : وايه رايك فى الشعر ؟ قالى : حلو اوى وعجب والدتى لما سمعتهولها وفضلت تقولى خساره فيك عشان مخدتش بالى منه وهو فى الشنطه بقالو يومين . ضحكت وقلتله : تستاهل . قالى : دى والدتى جايه عليا اوى عشانك وفضلت تقولى شوف امل بعتالك ايه وانت مهنش عليك تبعتلها جواب او اى ورقه فيها كلمتين حلوين قلتله: شوفت ممتك حسه بيا ازاى وضحكت .فوجدت شرف يقطع حديثى ويقول : انا عارف انى مقصر معاكى بس غصب عنى وعشان تتبسطى ياستى انا جايبلك كتابين شعر وشايلهم عندى فى البيت وكنت عاملهملك مفاجئه وكنت مستنى لما اجيلك البيت عشان افاجئك بيه وفى اقرب وقت اجيلك فيه هجبهملك معايا. بصتلو وابتسمت و ساعتها عرفت انه فعلا مش بيعرف يقول كلام حلو وانه اشترى كتابين الشعر عشان يراضينى . على اد مكنت حسه انى صعبانه عليه لانه حارمنى من الكلام الحلو اللى نفسى اسمعه منه . على اد ماكان هو كمان صعبان عليا عشان مش عارف يقوله . انتهى اليوم بابتسامه جعلتنى اتناسى تماما كل ما حدث فى بدايت اليوم. حيث حان موعد رحيلنا كنت ذاهبه وانا اشعر اننا تركنا بصمه فى هذا المكان. كما تركنا بصمه فى القلعه كما تركنا بصمه على النيل . كما وضعنا بصمه فى كل شارع مشينا فيه وخطونا سويا وكأن كل مكان وضعنا فيه قدمينا تركنا فيه بصمه جميله تحمل اجمل لحظات حياتى . ونحن فى طريقنا الى باب الخروج لقيت شرف بيقولى : الفرح بتعنا قرب ابتسمت وقلتله : اه قرب لسه كنت امبارح ببص فى ورقه الايام اللى بعد فيها الايام اللى فاضله على الفرح . قالى : ايه رايك بلاش نعمل فرح وبفلوس الفرح نطلع رحلة شهر عسل فى مكان حلو . قلتله : طيب لو عملنا فرح مش هنعمل شهر عسل ؟ قالى : مش عارف ممكن اه وممكن لا .لكن عشان نبقى ضمنين رحلة شهر العسل يبقى نوفر فلوس الفرح . قلتله : بس الرحله ممكن تتعوض انما الفرح مش هيتعوض. قالى : اه فعلا عندك حق . كنت سعيده جدا من تلك اللحظات التى نتحدث فيها عن الفرح وشهر العسل وبرسم معاه حياتى الجديده وبتخيل لما اخد البغبغانات معايا عش الزوجيه . وبعد خروجنا الى الشارع تذكرت والدتى حين قالت : هو انتى فاكره انه جايب البغبغانات دول عشانك انتى ياهبله ده جايبهم عشان فى الاخر تروح بيته. بدأ يظهر الحزن على ملامحى حين تذكرت كلام امى مما جعل شرف يلاحظ ويسالنى مالك ؟ قلتله : مافيش افتكرت حاجه كده . قالى : افتكرتى ايه قولى مالك ؟ قلتله : افتكرت يوم ماكنت بجبلك القميص بتاع عيد ميلادك كنت ساعتها بقولهم لازم اجيبله اغلى هديه زى ماجبلى البغبغانات ساعتها ماما قالتلى هو انتى فاكره انه جايب البغبغانات عشانك انتى يا هبله ده جايبهم عشان فى الاخر تروح شقته .قالى: انا مش عارف ليه بيعملو كده وايه اللى فى دماغهم. قلتله : ولا انا عارفه. دول كانو عايزين هديتى تكون لشقتك بس انا مرضتش وجبت هديه ليك لشخصك. قالى : عشان يكرهوكى فيا ويفهموكى انى جايب البغبغانات لشقتى . قلتله : مهما قالو عمرى ما هكرهك. قالى : بس انا هموت واعرف ايه اللى فى دماغهم . وبعد لحظات من الصمت لقيت شرف بيقولى : هما والدتك ووالدك مش هينجزو بقا فى الجهاز . ضحكت وقلتله : انت مستعجل ؟ قالى :ايوه طبعا مستعجل ناقص شهرين وعايزين نخلص . قلتله : هانت . قالى : المفروض انتى ووالدتك تنزلو الايام الجايه وتشوفو ايه اللى ناقص فى الجهاز وتخلصو . قلتله : ماحنا بننزل بس كل فتره عشان والدتي رجلها وجعاها .قالى :الف سلامه عليها طيب منزلتوش ليه طول الشهر اللى فات قلتله : مانت شايف المشاكل اللى بتحصل بين والدتى ووالدى بسبب شراء الجهاز .قالى : انا حاسس انهم بيعملو كده عشان يأجلو الفرح . قلتله : يعنى بيتعمدو يتخانقو ؟ قالى : اكيد طيب مسالتيش نفسك اشمعنى مكانوش بيتخانقو فى اول الخطوبه لكن لما الجواز قرب بقو يتخانقو كل يوم عشان يعرفونا ان ممعهمش فلوس للجهاز .قلتله معقوله ؟ قالى : ده مش بعيد يكونو متفقين يتخانقو قدامك بس عشان متطلبيش منهم تكملى جهازك .قلتله : بجد ؟ قالى : مش بعيد كمان يكون الكلام اللى بيقولهولك عليا ده عشان يقوموكى عليا ويحصل مشاكل بينى وبينك ويقولولك ناجل الفرح عشان تعرفو بعض اكتر . قلتله :طيب هما هيستفادو ايه من التأجيل ؟ قالى :مش عارف بس انا بكره هكلم ابوكى ونحدد حجز النادى . قلتله : بجد يا شرف ؟ قالى : ايوه عشان يلحقو يظبطو امورهم . كنت مبسوطه اوى وطايره من الفرحه وانا بسمع منه الخبر ده .معقوله شرف هيكلم بابا بكره واخيرا حلم حياتى هيتحقق .كانت تمر كلماته على مسامعى وانا ابتسم واتخيل امامى ذلك اليوم وكأننى المس المستقبل بيدى
الى اللقاء فى الحلقه الحلقه القادمه
ملحوظه /جميع حقوق النشر محفوظه
ليست هناك تعليقات:
إرسال تعليق