🌞🌜🌝🌛...جارة القمر...🌞🌜🌝🌜
حبيت إهديك من السما نجمات
ومن عتم الليل إنسجلك حكايات
حبيت من الشمس اسرقلك نور
ومنو اعملك عباية وشالات
بنص الليل اعطيك مواعيد
ونلحق سراجات النور والفراشات
إيدي بإيدك والكتف عالكتف
كلمة وهمسة وشوية آهات
لا تسأليني ليش صرت بغار
لما شعرك بتداعبو النسمات
ولما الربيع عخدودك بيزهر
ورود
ووجهك بيعكس عالقمر خيالات
عشفافك بشوف البسمه مرسومي
بتقول لا تبخل عليي بالبوسات
بالصدر قلب عاشق ومشتاق
بتزيد دقاتو من كثرة النظرات
يا ريت فيني ركب جوانح وطير
وعليي بالعالي وسابق الغيمات
هونيك جنب القمر بقعد وبرتاح
وبتخايلك عروس بأجمل الطرحات.
--بقلمي: يوسف محمود شحرور.
ليست هناك تعليقات:
إرسال تعليق