قصيده مين ؟
بقلم الشاعره / أمال مصطفى الشامى
مين وجودى مش فارقله
ومين فى فراقى كان خسران
ومين فى بعادى كان بيندم
ومين فى قربى كان عشمان
مين اللى كان مخلص فى حبى
ومين اللى فى ضهرى خان
مين اللى كان اصيل معايا
ومين اللى على اصله بان
مين اللى كان غاوى يحقد
ومين لفرحى كان فرحان
مين فى الشده وقف جنبى
ومين فى حزنى كان شمتان
مين مطرمش فيه عشرتى
وعيشى وملحى عليهم هان
مين اللى عنى مستغناش
ومين اللى باعنى واستهان
مين موت جوايا الثقه
ومين كان مصدر الامان
مين بيستنى لقايا
ومين يلمحنى يروح هربان
مين اللى بيفكرو فيا
ومين شالونى من الحسبان
ومين مقدرش ينسانى
ورسمو صورتى فى الأذهان
مين اللى لسه بوحشهم
و بيحنو لايام زمان
مين فضلت على بالو
ومين قرر النسيان
ليست هناك تعليقات:
إرسال تعليق