(قطعوا الرجالة )
**********
شوفي ياختي واسمعيها نصيحة
بلاها رجالة وعيشي عيشة مليحة
أول مايعرفك يفرشلك الأرض ورود
وأول رجلك ماتقع في الخية تلاقيها قرود
لو صدق معاكي يبقي مجنون
لو حبك يبقى منشار مسنون
ياختي تعالي وريحي بالك
ده جنس غدار وعمره مايبقالك
الأول حبيبتي وروحي وسنيني
وبعدها كان عقلي فين يا سواد ليلي
قطعوا الرجالة ياختي
بدل ماتعيطي وتقولي يا بختي
الرجالة دي بالألوان
فيها الأبيض والأسود بيبان
اللي يتعرف عليكي
ويقولك إنتي اللي مستنيكي
وفجأة يروح ميجيش
أوعي يا خيبة ماتتعيطيش
ربنا هيبعتلك هديته
وهو إستني زنقته
وفيه الواد الفرفور
اللي يلف ويدور
اللي زي ده أوعي تأمنيله
والحب والإخلاص ماتعطيله
وفيه الراجل الشكاك
يسألك مين هنا مين هناك
والواد بتاع ماماه
سوري ونو وباباه
خديها مني وسيبك منهم
مفيش وراهم غير حرقة الدم منهم
قطعوا يا ختي الرجالة
عيشي وزقططي بلا قوالة
بقلمي ياسمين محمد👑
ليست هناك تعليقات:
إرسال تعليق