لما تبقي!!
الضحكة باهته
ع الشفايف.
والدموع..
مليا العيون
والقلوب..
مش لقيا فرحة.
والمنام..
طار م الجفون.
لما تتساوي!!
الحياة ويا الممات.
والكلام ويا السكات.
والانين..
ف القلب يصرخ
م الألم والذكريات.
لما نور الشمس
يهجر النهار.
والقلوب الصافيه
يخنقها الغبار.
والنفوس التافهه
تسعي للدمار.
والعقول الرقية
تخطئ الإختيار.
يبقي لازم!!
اصحي..
من سباتي
واعدل المسار.
نعمه السواح
ليست هناك تعليقات:
إرسال تعليق