قصيدة عامي بعنوان ...معزز ومنصور بقلمي ... مهداة لشقيقي المهندس عبد العزيز الأصفر ... رئيس مجلس مدينة الكسوة...بمناسبة عودته بالسلامة ...
.........................................................................
يا طيور علي بالسما يا طيور
وخلي الدني تشعشع بأحلى نور
الليلة عنا فتح زهر المحبة
وعطر سمانا ورد الفل والمنتور
.....................
ويا حباب يلا زينوا الساحات
نشبك إدين وتعمر الدبكات
نشمخ لفوق ونرفع الرايات
رجع الفرح والقلب كلو سرور
.....................
ووين الفوارس تنزل الميدان
تتغاوى غاية والفرح عنوان
والقهوة مرة نضيف الخلان
ونفرش طريق البيت كلو زهور
.....................
ووين الصبايا تغني غنيات
بصوتا الحنون وتعزف النايات
وتتزين بهالليلة ل بنيات
ويحلا السهر ل يزقزق العصفور
......................
وبليلة حلوة نسهر الشعار
نكتب أصايد نقرض الأشعار
والشعر إلنا والقمر سمار
ويحلا النشيد ويصدح الشحرور
......................
علو البيارق وافتحوا الأبواب
مدوا الموائد ضيفواالأصحاب
راجع حبيب القلب بعد غياب
عالي الجبين معزز ومنصور
............................................
ملك الأصفر
ليست هناك تعليقات:
إرسال تعليق