.((( إوعى إحساسك يخونك )))
**************************
لمَّا إحساسك يخونك
لمَّا تغتالك ظنونك
لمَّا يوم الفرح تبكى
والألم يعصرشجونك
إبقى قُلى إن كنت لسه
لسه ما فارقتش جنونك
ابقى قُلى إن كنت فاكر
وإقتل الوهم ف عيونك
خلى ليلك يبقى ماضى
وإزرع الفجر ف جفونك
وإنزع الطعنه الشقيه
جفف الدم ف هدومك
إبعد الشك اللى نابك
وإمحى حسرة ليل همومك
خلى قلبك ملك عقلك
ليه بتسقيه من سمومك
ليه تسيبه لواحده خاينه
وتحصد الدمع ف خدودك
إصحى م الوهم اللى عشته
وحِب قلبك يوم يصونك
وإوعى يا ابنى مره تانيه
إوعى إحساسك يخونك
**********************************
الأديب الشاعر / أشرف فؤاد السمادونى
ليست هناك تعليقات:
إرسال تعليق