أنا التايه
انا التايه ف شطينك
أدور ليا على مرسى
انا وكل اللى شاريينك
وقلبك ليه صبح يقسى
انا الدم فى شرايينك
شريد فيكى ومش حاسسه
انا المسقة ف ارض البور
بتروى عطشها تحييها
انا البانى بيوت وقصور
ورافع كل مبانيها
انا الفلاح انا الملاح انا السواح
فى كل دروبها وحواريها
صبح تايه صبح حاير حجر داير
بيفرم كل اهاليها
بايع شارى ومين دارى
واوتا رى قلوع سارى
فى مركب سكتك فيها
وبحرك دا اللى موجه شديد
يقابل منى طبع عنيد
ويومى النار ف قلبى تقيد
ويرمح فيكى فاسد عربيد
لكن عندى امل واكيد
الاقى الشط بكرة جديد
بيطرح فرحة بلون العيد
#مصطفى_قمر
مص
ليست هناك تعليقات:
إرسال تعليق