أنا أسف ياقلبى
أنا أعرف ناس كتير تعرف
بإن الهم لو طالني
بصمّم برضو اعيش مبسوط
وناس اكتر بتسرقني
وتسرق دمعي من جيبي
عشان الجَلد شُغل السوط
عشان القلب اخره تابوت
لا هيساعني ولايساعه
ومنهم مين يقول مغرور
وخافي بضحكه اوجاعه
فُلانه معاه وفلان باعه
واللي يضحككوا في القصه
ملوش في الدنيا دي صاحب
يخاف يسند عليه ويضم
في ضيقته يكون بديل للأم
ويحفظ شعره بزياده
ويقلش برضو كالعاده
وبيه يآمن ويمشي معاه
ومين هيشيله ف المعاناه
وايه معناه
يكون قلبي صديق للكل
ومفيش ولا حد ليه صاحب
يرن عليه يقوم ساحب
في ثانيه قميص وينزل جري
يطبطب حتي وقت الجد
حقيقي صدمني منكوا الرد
في يوم قلبي صَبح عاجز
وقلت اكيد هكون عايز
صديق في الشده يسندني
فبتحول كما الشمعه
وايد الهم بتقِيْدني
الاقي الوحده واخداني
رفيق وطريق
ولسه القلب بيعاني
في وقت الضيق
ف اعيش وحداني مع نفسي
وبضحك وسط اي هموم
تقول تافه تقول طيب
تقول عاشق تقول مجنون
انا موافق .. انا موافق
غرامه قبلت ادفعها
مقابل اني اعمل بيت
بيطرح ضحك م المغني
ورنة حرفه تعمل صيت
انا اسف عشان حبيت
انا اسف عشان حبيت .
بقلم مصطفى سبتة
ليست هناك تعليقات:
إرسال تعليق