مُنايا يا طير ....
أشوفك علي غُصني
بِعدت عني ....
و شَدوك يا طير وحشني
غاب القمر.....
و خف المطر و جف الشجر
و الحطاب بفاسه ناوي يقطعني .....
ليه يا طير ....
تغيب كتير عني ....؟؟
قرب يا طير أووي مني.......
أشكيلك من بؤسي و من همي
يمكن ألاقي عندك حل
بعد ما راح من تحتي ضلي
و الكل سابني للحطاب يخلعني.....
منايا يا طير .....
يخضر عودي و ورقي عليه يعود.
و يفرع في السما غصني .....
تزول أحزاني و يضحكلي زماني
و يظهر للكون حسني
و أعود من تاني أضلل مكاني
و أحضنك يا طير
و بشدوك تمتعني....
طير يا طير ... ..
في الفضا و دووور
و أصرخ علي كل الطيور
اللي كانت كل يوم بتزور
عشي و تبات ديماً في حضني.....
آن الأون تتجمعوا.......
و صوتكم.. العالم كله يسمعه.....
ناري علي تاري و داري
ما حد يقدر يخلعه.....
قوتكم في وحدتكم
و دعايا لرب العرش. أرفعه .....
و تتجمعوا و عين الله تحرسني.......
د/عمر عبد الجواد عبد العزيز...
ليست هناك تعليقات:
إرسال تعليق