مر الصبر
...........
طول عمري
أعلم قلبي أزاي يصبر
وأزاي يقدر
يخلي الصبر عنوانه
عشان لو ضاع
في يوم حلمه
يعيش بالصبر أيامه
كتير بتضيع أحلامنا
مابين غربه
وفراق أو غدر
فعلمته
أزاي يصبر وأزاي يقدر
يملى كل أركانه
بملح الصبر
وادام علمته يدوق الصبر
راح يصبر وراح يقدر
فلما جيت
أدوق الصبر
نسيت في الزحمه عنوانه
لقيت روحي بتتقطع
لقيتني بموت ميت موته
في كام لحظة
مشهد صعب يتكرر
نسيت كل اللي تعلمته
ونسيت في لحظه
طعم الصبر
وأنا اللي طول عمري
أقول الصبر عنواني
وكان الصبر يهواني
وأحفظ قلبي أزاي يصبر
ف مقدرتش ومعرفتش
ازاي في غيابك
أكدب روحي وأقول أصبر
لاني أكيد هكون كداب
ومش هقدر أتحمل مرار الصبر
وازاي أصبر وأزاي أنساك
وتبقى بعيد عن عيني
يغور الصبر
ويغور كل اللي تعلمته
سامحني بجد
مش هقدر أقول أنساك
يغور الصبر مش هقدر
............
حمدي رمضان ابوعمروالريشي
ليست هناك تعليقات:
إرسال تعليق