أشتكالك /بقلم الشاعر/ حسين إبراهيم

★★★(أشتكالك)★★★

بقلمي: حسين ابراهيم

أشتكالك..

قلبي منك يوم ماجالك..

قريت في عينيه كام حكايه

عايز يحكيها لك..

شفت في أيديه وردة جاي

يهديهالك..

سمعت صوته لمامن بعيد

ندالك..

كل ده ماجاش في بالك..

ليه..

دايما ظالمني وتآسي عليه

ما حدش قالك أن

 قلب الأنثي محتاج حب وحنيه

ليه..

تهمل فيه..وجارحني..

وأنت عارف..

إني كنت ليك

كنت محتجالك

أن حبي ليك 

كان يزيد برضاك

وأهتمامك.

مش في بالك

أنت تآسي

وأنا هانسي

أعمل ما بدالك....

×××××××××××××××××

.......