حكاية كبيرة
الموضوع حكاية كبيرة
خلى كل الناس فى حيرة
بضحك يا ناس من الى بيجرالنا
و من الذل الى جرالنا
بضحك و الله و قلبى حزين
على حال أمة بقى مهين
قسموها زمان بسايكس بيكو
و المرة الجاية حتكون باديكو
حتقسموها شمال و جنوب
و بجهلكم بلاد حتدوب
و حتقسموها سنة و شيعة
و دى حاجة سريعه جنب البيعة
و كمان بحجة الارهاب
حبورطوكم مع الأحباب
و الإرهاب ده منهم فيهم
و الغدر باين فى عنيهم
أصحوا يا ناس أصحوا و فوقوا
قبل فى الفتنة ما يوقعوكوا
بضحك يا ناس من الى بيجرالنا
و من الذل الى جرالنا
ايوه بقول الأقصى أسير
و بتهم حكامنا بالتقصير
و مش معناه كاره لمصر
أنا ليها يا ناس بحب النصر
بس الاقصى يا ناس مسجد
فيه الرسول قام يسجد
بالانبياء و المرسلين
و ده معناه ليوم الدين
نحافظ عليه يا مسلمين
و الحكام أكيد عارفين
إن اكيد فى حلول
عالشان الذل علينا ما يطول
نوقف معاهم التطبيع
و ما نكون تابع مطيع
و فى كمان سحب السفير
و ده اظن مش خطير
أو للحرب حيكون نفير
أقول تانى و لا كفايه
عالشان أوضح الحكايه
# حكاية كبيرة
# أشعار : كرم محمد
ليست هناك تعليقات:
إرسال تعليق