...(( يا بهيه ))....
يا بهيه...
الصبر مني نفذ
والقلب للكل لفظ
ماعاد في روحي روح
و لا بقي في صدري نفس...
يا بهيه ....
طال عليا الانتظار
و الجرح طفح مرار
لا قادر أقعد معاكي
و لا عارف طريق الفرار..؟؟
يا بهيه...
الناس. ما. كانت. جعانة
و صدورنا كانت. عريانة
و واجهنا. النار باصرار
و في النهاية
نلاقي منك إهانة........!!!
يا بهيه...
الفساد كل يوم بيزيد
و نار الأسعار بتقيد
و الإيد تفك الحديد
لو الجيوب كانت عمرانة.....
يا بهيه.....
إشهدي الحق. ما تنكريش
و اسألي حتي عطيه الشاويش
قولناله الجيش
أولي من رغيف العيش
لجل ما تعيشي سلطانة......
يا بهيه......
البلد كانت مدانة....
و رفضنا نعيش بإعانة
إيه يا أمي اللي جرا...؟؟
الناس تمشي للأمام
و انتي بترجعي ورا......
إختاري صح و ما تزعليش
من كلمة حق معانا
و كلمة الحق
عمرها ما. كانت. مدانة......
يا امي......
إصحي و فتحي
و بولادك لازم تفرحي
و بلاش يا أمي تجرحي
صحيح العيشه مرة
لكنك بقيتي حرة
و أقولهالك و لو مرة
الإقامة من غير كرامة
ماتساويش... ....
د/عمر عبد الجواد عبد العزيز
ليست هناك تعليقات:
إرسال تعليق