شفوا الوجوه السمحة
وسط الصحرا واقفة
داالشمس رسمت على خدودهم
حب بلدهم بلمعة
مراية نشوف وجوهنا فيها فى نظرة
والعيون هايمة بحب بلادها
بنظرة موت واضحة
فدا ليها ولربها خاشعة
برضا النفس بحب وطنها
وحماية كل شبر فى ترابها
ماترهقها شمس حرقة
وصحرا حوليهم جوا نن عنيهم
مايلمس حبة منها
حتى لو روحهم طالعة
للسما مع حور الجنة
وأب بنظرة لأبنه
هو حوليه بروحه الحلوة
دا جسمى يابنى النهاردة
ملفوف بعلم بلدى
برقص فرحان بلقا ربى
كريم بدعوة ليا ساعة الفجرية
بسجدة والشنطة فى إديا
بشرف الشهادة فدا بلادى
وبوسة لك وإنت فى دنيا تانية
وسبت لك البدلة ديا
تلبسها فى مشهدى
وتقف وسط الناس وراسك للسما
دا ابويا انا دا أبويا انا
وحيات البدلة اللى جابها لي
ولبستها يوم فراقه
لتكونى يابلادى
جوا عيونى زى ماقالى أبويا
والنهاردة يوم خلودى
بشهادة أبويا
ودى إمى وإخواتى
دمعهم على سيل خدودى
مينفعش أبكى أنا
زى ماقالى شهيدى
ياحببيى مع إنك حوليا
بروحك الطهرة الأبية
هتوحشنى دخلتك علي
وبوسة بين عنيا
وحضنك وانت بطبطب بحنيا
وسؤال عنى وإخوات ليا
وهدية ماشافتها غير من إديك
وهى بتسلم علي
بس وعد قدام ربنا
بدلتك وبيادة عليها دمك
هتفضل قدام عنيا
وبكرة ياوالدى هاكبر
ونولو شرف الجندية
وحب بلاد زرعته فيا
ياناس مش أنا اللى بكتب ليهم
دا هم اللى برسالة ليكم
بروحهم وهى بترفرف حوليا
خدوا بالكم من عدوكم
برة وعايش وسيطكم
والخاين اللى فاكر إنهم مش شيفنه
عمال يشمت فى شهادة لينا
وفاكر إن إخوتنا هايسبوا دم لينا
دا إحنا حوليهم وفى كل خطوة ليهم
مدد من الله نحرس ظهورهم
وهم بيخدوا حق لينا
من غادر بينا وسط أرضينا
سلام ياأهل جوا عنينا
من أرض غالية قوى علينا
وخدوا بالكم منها
وحيات دمنا اللى سال على رمل
...........................................................بقلمى حسام غنيم
ليست هناك تعليقات:
إرسال تعليق